Фото: REUTERS
БМТ бош котиби Антониу Гутерреш ташкилот собиқ бош котиби Кофи Аннаннинг вафоти муносабати билан ҳамдардлик билдирди. Унинг баёноти БМТ сайтида эълон қилинган.
Гутеррешнинг сўзларига кўра, Аннаннинг вафоти ҳақидаги хабарни чуқур қайғу билан қабул қилиб олган.
«Кўп жиҳатдан Кофи Аннаннинг ўзи Бирлашган Миллатлар Ташкилоти эди», - дея маълум қилди Гутерреш.
Эслатиб ўтамиз, аввалроқ Бирлашган Миллатлар Ташкилотининг собиқ бош Котиби Кофи Аннан 80 ёшида вафот этгани хабар берилганди.
Кофи Аннан 1997-2006 йилларда БМТнинг еттинчи бош котиби бўлган, 2001 йилда Инсон ҳуқуқлари соҳасидаги саъй-ҳаракатлари учун Нобель мукофоти билан тақдирланган.
