Пхеньянда КХДР етакчиси Ким Чен Ин ва Жанубий Корея президенти Мун Чжэ Ин музокараларнинг иккинчи босқичини якунлади.
Таъкидланишича, учрашув якунлари бўйича ҳар икки мамлакат мудофаа вазирлари ҳарбий соҳадаги битимни имзолашди. Шу билан бирга, маросимда мамлакатлар етакчилари ҳам иштирок этган.
Аниқлик киритилишича, бунга қадар Ким Чен Ин ва Мун Чжэ Ин ёпиқ эшиклар ортида мулоқот ўтказган.
Аввалроқ, Пхеньянда КХДР ҳамда Жанубий Корея етакчилари ўзаро музокараларининг иккинчи куни бошлангани хабар берилганди. 19 сентябрь куни КХДР ва Корея Республикаси ўртасида музокараларнинг иккинчи куни старт олди. Давлат раҳбарлари учрашуви ушбу ташриф давомида Мун Чжэ Ин тўхтаган, юқори даражали меҳмонларга мўлжалланган «Пэкхвавон» қароргоҳида бўлиб ўтди.
