Кимларни ички ишлар органларига хизматга қабул қилиш мумкин эмас?

Фото: KUN.UZ

Ички ишлар органлари тўғрисидаги Қонунда қуйидагиларнинг ички ишлар органларига хизматга қабул қилиш мумкин эмаслиги кўрсатилган, деб ёзмоқда “Ҳуқуқий ахборот”.

Улар:

белгиланган тартибда муомалага лаёқатсиз ёки муомала лаёқати чекланган деб топилган фуқаролар;

судланганлик ҳолати тугалланмаган ёки судланганлиги олиб ташланмаган фуқаролар;

ички ишлар органларида хизматни ўташга тўсқинлик қиладиган касаллиги ёки жисмоний нуқсонлари бўлган фуқаролар.

Яқин қариндошининг судланганлиги ички ишлар органларига хизматга киришда тўсқинлик қилмайди.

#ички ишлар #хизмат