Испания чемпионатида 5-тур якунланди. Бу турда «Барселона» ҳам ғалабасиз сериясини якунлашга мажбур бўлди ва ўз ўйинида ғалаба қозонган «Реал» очколар сони бўйича каталонияликларни қувиб етди. «Трибуна» Примерада тур якунларини сарҳисоб қилади.
«Қироллик клуби» - муҳими очко
«Реал» - «Эспанол» - 1:0 (1:0)
Гол: Асенсио, 41.
«Реал»: Куртуа, Одриосола, Варан, Серхио Рамос, Начо, Модрич, Каземиру, Себальос (Васкес, 63), Иско (Льоренте, 79), Бензема (Диас, 60), Асенсио.
«Эспаньол»: Диего Лопес, Хави Лопес, Налду, Эрмосо, Вила, Перес (Серхио Гарсия, 70), Гранеро, Рока, Дардер (Виктор Санчес, 55), Пьятти (Леу Баптистан, 55), Борха Иглесиас.
Огоҳлантиришлар: Начо, 6. Рока, 26. Хави Лопес, 45+2. Каземиру, 77.
Ҳакам: Матеу Лаос (Испания).
22 сентябрь. Мадрид. «Сантьяго Бернабеу» стадиони.
Аъло старт
Кейинги 10 йилда Испания чемпионати турнир жадвалида 8-ўриндан юқорига кўтарила олмаган «Эспаньол» бир боши юқори сакраб, мавсумни жуда яхши бошлади. 4 турдан кейин «тўтиқушлар» жамоаси 2 ғалаба ва 1 дуранг эвазига 7 очко билан тўртинчи ўринда жойлашганди. Каталонияликлар «Валенсия» (2:0) ва «Леванте»ни (1:0) мағлуб этишганди. Жамоа 5-тур арафасида иккинчи ўриндаги «Реал»дан 3 очко ортда эди ва жамоа Мадридга «кучли учлик»ка кириш мақсадида келганди.
22 йил ғалабасиз
Лекин бу иш жуда мураккаблиги аён эди. Статистика каталонларга буткул қарши. «Эспаньол» Мадридда охирги марта 1996 йилнинг апрелида ғалаба қозонган, ўшанда Жорди Лардин «Сантяго Бернабеу»да дубль қайд этиб, жамоаси 3 очко билан қайтишини таъминлаганди. Ўшандан буён ўтган 22 йил давомида жамоа Мадриддаги стадион газонига 22 бор чиқди ва 19 марта мағлуб бўлиб, 3 бор дуранг ўйнади. Охирги 5 ўйинда «Қироллик клуби» йирик ҳисобларда ғалаба қозонган, тўплар нисбати - 16:1.
Бэйлга дам ва Одриосолада дебют
Мадридликлар ҳам ЕЧЛда иштирок этаётгани туфайли жамоа бош мураббийи Хулен Лопетеги ротациялар амалга оширди. У Чемпионлар лигаси доирасида «Рома» дарвозасига ажойиб гол урган Гарет Бэйлга дам беришга қарор қилди ва Асенсио асосий таркибда ҳаракат қилди. Шунингдек, Себальос майдонда илк дақиқалардан ҳаракат қилди. Жамоанинг янги аъзоси, баск ҳимоячиси Одриосола эса бу ўйинда дебютини амалга оширди. «Реал»ни олдиндаги ҳафтада 3 ўйин кутиб турибди: 26-29 сентябрь кунлари Испания чемпионати доирасида «Севилья» (сафарда) ва «Атлетико»га қарши (уйда), 2 октябрь куни ЕЧЛ доирасида ЦСКАга қарши ўйин (сафар). Шундай экан, етакчиларга дам, ёшларга ўйин амалиёти.
«Ёввойи тўтиқушлар»
«Эспаньол» билан мавсумни яхши бошлаган янги мураббий Руни «тўтиқушлар» кийим алмаштириш хонасида шижоат ва яхши кайфият муҳитини ҳосил қилди. Бу жамоанинг ўйин сифати ҳам ошган, жамоа фақат ижрода оқсади, баъзан Куртуа қутқарди, баъзан зарбалар хато кетди. Ҳеч бир вазиятда «попугайлар» «Сантяго Бернабеу»га шунчаки адашиб кириб қолган қушга ўхшашмади: бу ёввойи, ўз мақсади учун, ҳар бир тўп учун қаттиқ курашадиган жамоа эди.
VAR тизими ва Асенсио
Аммо «Эспаньол» турнир жадвалида «Реал»ни қувиб етолмайдиган бўлди. Ўйиндаги ягона гол Асенсио томонидан урилди. «Қироллик клуби» етакчиларидан бирига айланиб бораётган бу ёш футболчи рақиб жарима майдони ичида Модричдан пас қабул қилиб олди ва кучли зарба берган ҳолда тўпни дарвоза тўрининг узоқ бурчагига жойлади. Ўйин ҳаками Бензема пассив офсайд ҳолатида бўлганига чалғиди ва видеотакрорга мурожаат қилишга тўғри келди. Бу жараёнга бир неча дақиқа кетди ва якунда гол инобатга олинди.
Ўйинда мухлислар бошқа гол кўришмади. Меҳмон жамоа мақсадига эриша олмади - 23-ўйинда ҳам ғалаба қозонилмади. Бу ўйиндан кейин мадридликлар бу турда «Барселона» очко йўқотишига умид қилишарди.
«Жирона» ўз тарихида илк марта «Камп Ноу»да очко олди
«Барселона» – «Жирона» – 2:2 (1:1)
Голлар: Месси, 19 (1:0). Стуани, 45 (1:1). Стуани, 51 (1:2). Пике, 63 (2:2).
«Барселона»: тер Штеген, Семеду, Пике, Лангле, Жорди Альба, Артур (Ракитич, 58), Бускетс, Видаль (Коутинью, 58), Месси, Л.Суарес, Дембеле (Юмтити, 46).
«Жирона»: Буну, Адай, Эспиноса, Алькала, Хуанпе, Муньеса, Алейкс Гарсия (Борха, 46), Пере Понс, Гранель (Дуглас Луис, 72), Стуани, Порту (Думбья, 85).
Огоҳлантиришлар: Семеду, 12. Артур, 15. Стуани, 16. Эспиноса, 39. Хуанпе, 61. Алькала, 68. Пике, 81.
Четлатиш: Лангле, 35.
Ҳакам: Хиль Мансано.
23 сентябрь. Барселона. «Ноу Камп» стадиони.
Майами бўладими ёки йўқ?
Бир неча ой муқаддам ҳеч ким «Барселона» ва «Жирона» ўртасидаги ўйин Испанияда мавсумнинг энг кўп муҳокама қилинадиган ўйини бўлишини тахмин қила олмасди. Ла Лига президенти Хавьер Тебас ташаббуси билан август ойида штаб-квартираси Майамида жойлашган, спорт соҳасига эътиборини қаратган медиакомпания билан шартнома имзоланди. Келишув 15 йил муддатга тузилган бўлиб, унга кўра ҳар йили Испаниянинг кучли жамоалари - «Реал», «Барселона» ва «Атлетико» жамоалари иштирокидаги бир неча ўйинни (ўртоқлик учрашувлари эмас, Испания чемпионати доирасидаги ўйинлар) АҚШ ҳудудида ўтказиш назарда тутилган.
Бу янгилик ортидан аниқ қарор ҳам қабул қилинди: Ла Лиганинг АҚШ ҳудудида, Майамида ўтказиладиган илк ўйини - 2019 йилнинг 26 январига белгиланган «Барселона» ва «Жирона» ўртасидаги иккинчи даври баҳси бўлиши маълум қилинди. Лекин ҳозиргача ҳеч ким клубларнинг ўзи бу ғояга қаршими ёки қўшиладими, буни била олмай келмоқда. Хабарларда айтилишича, «Барселона» раҳбарияти жамоа сардорлари ҳамда Тебаснинг таклифига қатъий қаршилик қилиб келган Испания футболчилар ассоциацияси раҳбарияти иштирокидаги йиғилишда ўйинни АҚШда ўтказиш ҳақида қарор қабул қилган. «Жирона» вакиллари бу йиғилишда иштирок этмаган. Кейинроқ, клублар президентлари ўйин АҚШга кўчирилишига розилиги, аммо бунга Қироллик футбол федерацияси қаршилиги ҳақида хабар тарқалди... Ҳозирча аниқ гап йўқ, аммо Каталониянинг бу икки жамоаси учрашуви барчанинг диққатини ўзига қаратиб бўлди.
Кўк-аноррангча ротация
Ҳозирча биринчи даврадаги каталон дербисига «Камп Ноу» мезбонлик қилди. «Барселона»да тақвим жуда тиғиз - жамоа кейинги 1 ҳафтада 3 ўйин ўтказади. 26-29 сентябрь кунларида Испания чемпионати доирасида «Леганес» ва «Атлетик»ка қарши ўйинлар, 3 октябрь куни ЕЧЛ доирасида «Тоттенҳэм»га қарши сафар ўйин кутмоқда.
ЕЧЛ туфайли жамоа ички чемпионатда ротациялар қилишга мажбур, шунинг учун «Жирона»га қарши ўйинда биринчи дақиқаларданоқ Артур ва Артуро Видаль бошланғич таркибда ҳаракат қилди, Юмтити, Ракитич ва Коутиньо захирада қолдирилди.
Мессининг янги ютуғи
Ўйин бошланиши билан Каталония клуби етакчиси Лионель Месси навбатдаги рекордни ўрнатди. Ушбу аргентиналик футболчи Ла Лигада энг кўп ўйин ўтказган хорижлик футболчига айланди - 423 ўйин. У бу орқали собиқ жамоадоши, бразилиялик ҳимоячи Дани Алвесни (422) ортда қолдирди. Бу борада учинчи кўрсаткич россиялик собиқ футболчи, турли йилларда «Сельта» ва «Реал Сосьедад» клубларида тўп сурган Валерий Карпинга тегишли (384).
Месси ўз рекордини янги имижи билан қарши олди - у ўйиндан олдин соқолини олдирди. Бу соқол кейинги йилларда унинг муваффақияти рамзига айланганди. У билан бирга майдонга Жерар Пике ҳам соқолсиз тушиб келганди. Ушбу икки футболчи ҳам кейинги йиллардаги қиёфасини буткул йўқотганди. Ўйинда айнан соқолсиз қолган футболчилар биттадан гол уришди. Аввалига Месси Видалнинг пасини голга айлантирди, Пике иккинчи бўлимда иккинчи голни урди. Унинг бош билан урган голи жамоани мағлубиятдан қутқарувчи голга айланди.
Буюк Стуани
Ўтган мавсумда «Жирона»да иккинчи ёшлигини бошлаган Кристиан Стуани бу босқични бу мавсумда ҳам давом эттирмоқда. Ўтган мавсумда 21 гол уриб, 5 голга узатма берган 31 ёшли ҳужумчи мавсум тўпурарлари қаторида бўлган ва ўз ўйини билан терма жамоага чақирилиб, Россияда бўлиб ўтган жаҳон чемпионатида иштирок этганди. Жорий мавсумда эса у 5 ўйинда 5 гол уришга улгурди. Шу голлардан иккитасини «Барселона» дарвозасига.
Бу орқали Стуани бир календар йилида «Реал» ва «Барселона»га дубль қайд этган 21 асрдаги илк футболчига айланди.
Қайд этиш керакки, «Жирона» голларни рақиб бир киши камчилик бўлиб қолганидан кейин урди. 35-дақиқада ўйин ҳаками Хесус Хиль Мансано VAR арбитри билан маслаҳатлашувдан кейин мезбонлар ҳимоячиси Ланглени рақибнинг юзига тирсак билан зарба бергани учун майдондан четлатди. Жамоа бир киши кам бўлган ҳолда ўйинда очко олиши керак эди, минимум вазифа уддаланди, аммо ғалабали ҳисоб сақлаб қолинмади. «Барселона» жорий мавсумда илк марта очко йўқотди, «Жирона» эса дербида илк марта очко олди.
Лемарнинг биринчи голи
«Хетафе» – «Атлетико» 0:2
Голлар: 0:1 – 14, автогол Сория, 0:2 – 60 Лемар.
«Хетафе» – Сория, Кабрера, Бруно Гонсалес, Антунеш, Даконам (Кристофоро, 78), Портильо, Арамбарри, Ндиайе (Иван Алехо, 63), Суарес, Анхель, Молина (Серхи Гвардиола, 70).
«Атлетико» – Облак, Хименес, Филипе Луис (Годин, 71), Хуанфран, Люка Эрнандес, Коке, Родри Эрнандес (Парти, 58), Сауль, Лемар (Корреа, 80), Диего Коста, Гризманн.
Огоҳлантиришлар: Суарес (56), Сауль (82), Хуанфран (84).
Четлатиш: Иван Алехо (67).
Диего Симеоне жамоаси аста-секин ўзига келмоқда. «Матрасчилар» жамоаси 12 ўйиндан буён ўзларига гол ура олмай келаётган жамоани яна мағлуб этишди. «Хетафе» ўтган турда «Севилья»ни мағлубиятга учратганди ва Мадрид жамоасига қарши ўйинлардаги «қора серия»ни тўхтатишга ҳам яқин эди. Аммо «Атлетико» прагматик ўйин кўрсатиб, ғалабага эришди. Биринчи бўлимда меҳмонлар жамоаси дарвозага биронта аниқ зарба беришмади, лекин Лемар тепган тўп дарвоза тўсинидан қайтиб, дарвозабон Сориянинг елкасига теккан ҳолда дарвоза тўрига бориб тушди.
Тома Лемар иккинчи бўлимда Испаниядаги биринчи голини уришга муваффақ бўлди. Қарши ҳужум вақтида Коке уни гениал пас билан таъминлади ва франциялик футболчи тўпга оёғини қўйиши кифоя қилди.
«Севилья»дан голлар ёмғири
Беқарор «Севилья» бу турда «Леванте» устидан йирик ғалабага эришди. Валенсиядаги «Сьюдад де Валенсия» стадионида кечган учрашув меҳмонлар жамоасининг 6:2 ҳисобидаги ғалабаси билан якунланди.
Ўйинда ҳисоб 1:2 бўлиб турганида андалусияликлар дарвозабони Вацлик пенальтидан берилган зарбани қайтариб, жамоаси устунлигини сақлаб қолди. Мезбонлар «Севилья» ҳужумчилари Пабло Сарабия ва Виссам Бен-Йеддерни тўхтатиб қола олишмади, биринчиси 1 гол ва 3 голли узатма муаллифи бўлган бўлса, иккинчиси 3 гол ва 1 узатма муаллифига айланди. Ўйинда яна Даниэл Каррису ва Андре Силва ҳам биттадан гол уришди.
«Севилья» эндиликда очколари сонини 7тага етказган ва турнир жадвалида 6-ўринда жойлашган. «Леванте» 4 очкоси билан 15-поғонада қолмоқда. Кейинги турда Севильяга «Реал» келади.
Испания чемпионати
5-тур
«Леванте» – «Севилья» 2:6 (1:4, 1:2)
Голлар: 0:1 – 11 Бен-Йеддер, 1:1 – 12 Марти, 1:2 – 21 Каррису, 1:3 – 35 Бен-Йеддер, 1:4 – 45 Бен-Йеддер, 1:5 – 49 Андре Силва, 1:6 – 59 Сарабия, 2:6 – 90, автогол Кьер.
«Леванте» – Оласабаль, Постиго, Луна, Педро Лопес, Робер, Барди, Кампанья (Саймон, 73), Прцич (Вукчевич, 61), Моралес, Марти (Боатенг, 61), Майораль.
«Севилья» – Вацлик, Каррису, Кьер, Гомес, Сарабия (Муриэль, 73), Алеиш Видаль, Васкес, Навас, Банега (Меса, 63), Бен-Йеддер (Промес, 63), Андре Силва.
Огоҳлантиришлар: Постиго (20), Алеиш Видаль (62).
«Вильярреал» – «Валенсия» 0:0 (0:0, 0:0)
«Вильярреал» – Асенхо, Лайюн, Руис, Альваро Гонсалес, Фунес Мори, Форнальс (Педраса, 67), Тригерос, Марио Гаспар, Коста (Касорла, 73), Морено, Бакка (Токо-Экамби, 81).
«Валенсия» – Нето, Габриэл, Гайя, Пиччини, Диакаби, Ферран Торрес (Гонсалу Гедеш, 56), Солер, Парехо, Черышев, Гамейро (Коклен, 61), Санти Мина (Батшуайи, 46).
Огоҳлантиришлар: Диакаби (22), Коста (38), Лайюн (63), Фунес Мори (84), Марио Гаспар (90).
Четлатиш: Парехо (58).
«Бетис» – «Атлетик» 2:2 (0:2, 2:0)
Голлар: 0:1 – 7 Иньяки Уильямс, 0:2 – 18 Рауль Гарсия, 1:2 – 51 Бартра, 2:2 – 68 Каналес.
«Бетис» – Лопес, Бартра, Сидней, Фирпо (Тельо, 62), Манди, Гуардадо, Герреро (Инуи, 78), Каналес, Ло Чельсо (Морон, 65), Санчес, Санабрия.
«Атлетик» – Мендибиль, Мартинес, Йерай Альварес, Берчиче, Де Маркос, Рауль Гарсия (Капа, 56), Беньят (Сан Хосе, 73), Сусаета, Дани Гарсия, Баленсиага, Иньяки Уильямс (Муниаин, 82).
Огоҳлантиришлар: Сусаета (38), Йерай Альварес (40), Беньят (45), Берчиче (50), Каналес (53), Сидней (70), Мартинес (87), Мендибиль (90).
Четлатиш: Сусаета (45).
«Райо Вальекано» – «Алавес» 1:5 (1:2, 0:3)
Голлар: 0:1 – 8 Химо Наварро, 1:1 – 30 де Томас, 1:2 – 34 Ибаи Гомес, 1:3 – 56 Кальери, 1:4 – 77 Ибаи Гомес, 1:5 – 90 Бурги.
Четлатиш: Ба (35, Райо Вальекано).
«Эйбар» – «Леганес» 1:0 (0:0, 1:0)
Гол: 1:0 – 52 Кике.
«Сельта» – «Вальядолид» 3:3 (2:1, 1:2)
Голлар: 1:0 – 5 Аспас, 2:0 – 9 Макси Гомес, 2:1 – 39 Плано, 3:1 – 54 Аспас, 3:2 – 65 Унал, 3:3 – 90 Суарес.
«Уэска» – «Реал Сосьедад» 0:1 (0:0, 0:1)
Гол: 0:1 – 64 Мерино.
«Уэска» – Вернер, Мирамон, Пулидо (Гюрлер, 84), Рубен Семеду, Луизинью (Авила, 79), Мусто, Мелеро, Алекс Гальяр, Гомес (Лонго, 68), Феррейро, Эрнандес.
«Реал Сосьедад» – Рульи, Сальдуа, Элустондо, Морено, Тео, Мерино, Субельдия, Пардо (Сурутуса, 74), Ойарсабаль (Родригес, 90), Баутиста (Навас, 85), Хуанми.
Огоҳлантиришлар: Пардо (23), Луизинью (43), Эрнандес (45), Алекс Гальяр (65), Хуанми (71), Лонго (76), Феррейро (90).
Четлатишлар: Хуанми (71), Тео (82).
Тур ўйинлари
Турнир тўпурарлари
Турнир жадвали
