2018 йил 25 сентябр куни соат 13:00ларда Тўрткўл тумани ҳудудидан ўтувчи А-380 «Ғузор-Бухоро-Нукус-Бейнау» автомобиль йўлининг 596-км/да ҳаракатланиб кетаётган «Кобальт» русумли автомобиль бошқарувни йўқотиб, қарама-қарши йўналишда ҳаракатланиб келаётган «Исузу» русумли автомобиль билан тўқнашув содир этган.
ФВВ матбуот хизматининг хабар беришича, ЙТҲ натижасида, 4 нафар фуқаро воқеа жойида вафот этган.
Содир бўлган ЙТҲ юзасидан жиноят иши қўзғатилиб, дастлабки тергов ҳаракатлари олиб борилмоқда.
Эслатиб ўтамиз, аввалроқ Нуротадаги ЙТҲ оқибатида хорижликлар ҳалок бўлгани маълум қилинганди.