Ўзбекистонда фуқароларни чет элга ишга жойлаштириш билан хусусий агентликлар ҳам шуғулланиши мумкин
Олий Мажлис Сенатининг ўн олтинчи ялпи мажлисида «Хусусий бандлик агентликлари тўғрисида»ги Қонун маъқулланди.
Шу пайтгача Ташқи меҳнат миграцияси агентлиги фуқароларни чет элда ишга жойлаштириш бўйича фаолият билан шуғулланиб келаётганди. Сенатда маъқулланган қонунга кўра, агентлик билан бир қаторда хусусий бандлик агентликлари ҳам шу турдаги фаолият билан шуғулланиши мумкин.
Хусусий бандлик агентликлари иш қидираётган шахсларга иш танлаш ва ишга жойлашиш бўйича, иш берувчиларга кадрлар танлаш бўйича, шунингдек ишга жойлаштириш соҳасида ахборот ва маслаҳат хизматларини кўрсатади. Бунда чет элда иш билан таъминлаш бўйича фаолият Бандлик ва меҳнат муносабатлари вазирлиги томонидан бериладиган лицензия асосида амалга оширилади.
Хусусий бандлик агентликлари хорижда ишга жойлаштириш бўйича хизматлар кўрсатиш учун эллик минг АҚШ доллари миқдоридаги маблағларни Хорижда меҳнат фаолиятини амалга оширувчи фуқароларни қўллаб-қувватлаш ҳамда уларнинг ҳуқуқ ва манфаатларини ҳимоя қилиш жамғармасида захира қилиб қўяди. Мазкур маблағлар лицензия тугатилган ёки бекор қилинган тақдирда қайтариб берилади.
Қонун Президент томонидан имзоланиб, белгиланган тартибда эълон қилингач юридик кучга эга бўлади.
Мавзуга оид
18:36 / 20.09.2024
Психологик ёрдам кўрсатиш фаолиятини тартибга солувчи қонун маъқулланди
18:30 / 20.09.2024
Ҳоким ва маҳаллий Кенгаш раиси лавозимлари бир-биридан ажратилди
16:37 / 20.09.2024
Ҳукумат “маърифий фаолият”ни тартибга солмоқчи
11:36 / 20.09.2024