Бразилиялик ярим ҳимоячи Кака ўз фаолиятини давом эттириши мумкин.
La Gazzetta dello Sport маълумотига кўра, футболчи Италия учинчи дивизионида иштирок этувчи, Сильвио Берлускони эгалик қилувчи «Монца» клуби билан шартнома имзолаши мумкин. Италия собиқ бош вазири, «Милан»нинг собиқ эгаси футболчидан жамоани В серияга олиб чиқишда ёрдам беришни сўради.
Кака 2017 йилнинг декабрида фаолиятини якунлагани ҳақида эълон қилди. 35 ёшли бразилияликнинг сўнгги жамоасига АҚШнинг «Орландо Сити»си айланди. Кака Италиянинг «Милан», Испаниянинг «Реал» ва Бразилиянинг «Сан-Паулу» жамоаларида тўп сурган.
Шунингдек, Кака 2002 йилдан 2016 йилгача Бразилия терма жамоаси таркибида майдонга тушиб, 92 та ўйинда иштирок этди ва 29та гол урди. 2002 йилда жаҳон чемпиони бўлган.
2007 йилда Кака «Олтин тўп» эгасига айланди.
