Арманистон президенти вазирларнинг оммавий истеъфоси ҳақидаги фармонни имзолади

Фото: REUTERS

Арманистонда мамлакат президенти Армен Саркисян олти нафар вазирнинг истеъфоси ҳақидаги фармонга имзо чекди. Бу ҳақда «РИА Новости» хабар бермоқда.

Таъкидланишича, гап «Дашнакцутюн» ва «Фаровон Арманистон» партиялари вакиллари ҳисобланган вазирлар ҳақида кетмоқда.

Мавжуд маълумотларга қараганда, гап иқтисодий ривожланиш ва инвестициялар вазири Арцвик Минасян, қишлоқ хўжалиги вазири Артур Хачатрян, энергетика инфратузилмалари ва табиий ресурслар вазири Артур Григорян, спорт ва ёшлар ишлари бўйича вазир Левон Ваградян, ФВВ раҳбари Грач Ростомян ҳамда транспорт, алоқа ва ахборот технологиялари вазири Ашот Акопян ҳақида бормоқда.