АҚШ Давлат департаменти расмий вакили Хизер Науэртнинг маълум қилишича, Вашингтон Шимолий Корея етакчиси Ким Чен Иннинг Пунгери ядровий полигони бузиб ташланганини тасдиқлаш учун инспекторларни КХДРга киритишга тайёр турганлигини маъқуллайди. Бу ҳақда «РИА Новости» хабар бермоқда.
Унинг сўзларига кўра, АҚШ давлат котиби Майк Помпео ва Ким Чен Ин «ишчи гуруҳларга кўрсатма беришга» келишиб олдилар.
Шунингдек, унинг таъкидлашича, Пунгерини бузиб ташлаш жараёнида фақат журналистлар қатнашган.
Эслатиб ўтамиз, аввалроқ АҚШ давлат котиби Майк Помпеога Шимолий Корея етакчиси Ким Чен Ин билан учрашувга ўз таржимонини олиб бориш тақиқлангани ҳақида хабар берилганди.
