ОАВ: саудиялик ва туркиялик терговчилар Қошиқчи ўлдирилган жойни тарк этишди

Фото: AP / Emrah Gurel

Туркия ва Саудия Арабистони тергов гуруҳлари Саудия Бош консулхонасини тарк этишди. Бу ерда, ОАВ хабарларига кўра, мухолиф журналист Жамол Қошиқчи ўлдирилгани тахмин қилинмоқда. Бу ҳақда Reuters гувоҳларга асосан хабар берди.

Қайд этилишича, тахминан ўн кишидан иборат ва эҳтимолий жиноят юз берган жойда тўққиз соат бўлган туркиялик гуруҳ саудиялик терговчилардан аввал бинони тарк этган. Саудиялик мутахассислари жамоаси таркиби, шунингдек, уларнинг консулликда бўлиш вақтига аниқлик киритилмаган.

Аввалроқ, Al Jazeera телеканали расмий манбага таяниб, Туркия Қошиқчи ўлдирилганига доир далил топгани ҳақида хабар берганди.

Эслатиб ўтамиз, бундан аввал Саудия подшоҳи Эрдўған билан гаплашганди.

Тайёрлаган Отабек Матназаров

#Саудия Арабистони #Туркия #Жамол Қошиқчи

The Washington Post нашри учун ишлайдиган журналист Жамол Қошиқчи 2 октябрь куни Саудия Арабистонининг Истанбулдаги бош консуллиги биносига кириб кетгач, изсиз йўқолди