ИИББ: «жиноий авторитетларга» тақлид қилувчи ёшлар гуруҳлари тўғрисидаги маълумот тасдиқланмади

Аввалроқ, Kun.uz Facebook ижтимоий тармоғида жиноят олами вакилларига тақлид қилувчилар ҳақида маълумот пайдо бўлганини хабар берганди.

«Ҳозирги вақтда Тошкент кўчаларида яна ўғрилар ҳаракати ривожланмоқда. Энг ёмони, бу ҳаракат мактабларнинг юқори синф ўқувчилари орасида машҳур бўлиб кетмоқда. Ўзига хос ўйин пайдо бўлди - «Ўғри ҳаёти». «Чилонзорликлар» ва «Юнусободликлар» каби гуруҳлар ўз аъзолари ва ҳатто жаргонларига ҳам эга», - дея таъкидлаб ўтди фойдаланувчилардан бири Facebook’даги «Халқ билан мулоқот» гуруҳида.

ИИББ ходимлари пост муаллифи томонидан суратлари жойлаштирилган ўсмирларни топишди, улар ва уларнинг ота-оналари билан суҳбат ўтказилди, дея хабар беради Тошкент шаҳар Ички ишлар бош бошқармаси матбуот хизмати.

«Шундай қилиб, барча ўсмирлар аслида пост муаллифи назарда тутган, торт ёки девордаги суратда нима бўлиши мумкинлигини «чуқур» тушунишмаган. Улар бир-бирлари билан таниш эмаслар: кимдир Учтепада, бошқалари Олмазор туманида яшайди. Ўсмирлар ўз ҳаракатини «шўхлик» деб аташди, бу «ўғрилар дунёсининг романтикаси» ҳақида кўп фильмлар кўриб юборган болаларга хосдир. Баъзи даражада болалар ўзлари учун нотўғри қаҳрамонларни танлаганида уларнинг яқинлари ҳам айбдордир. Болаларнинг ота-оналари буни тан олишди: «Ўғлим билан суҳбатлашишга, нима билан қизиқишини билишга, қандай фильмларни томоша қилаётганини аниқлашга вақт йўқ эди», - дейди уларнинг оталари. Аммо, қўшимча қилишганки, фарзандлари, умуман олганда, ижобий, оддий болалар, уларнинг дўстлари эса жиноий дунёдан», - дейилади ИИББ хабарида.

Эслатиб ўтамиз, 2016 йил 16 сентябрь куни Ўзбекистон Республикаси президенти вазифасини бажарувчи «Ички ишлар органлари тўғрисида»ги қонунни имзолади.

Ушбу Қонуннинг 4-моддасида ички ишлар органлари ўз ваколатлари доирасида ҳуқуқбузарликлар профилактикасини амалга ошириши, уларга олиб келадиган сабаб ва шароитларни аниқлаши ҳамда бартараф этиши, жиноятларга мойил бўлган шахсларни аниқлаши таъкидланади. 

Бундан ташқари, 2017 йил 14 мартда президент «Ҳуқуқбузарликлар профилактикаси ва жиноятчиликка қарши курашиш тизимини янада такомиллаштириш чора-тадбирлари тўғрисида»ги қарорни имзолади, унда мамлакатдаги профилактика муаммолари ҳақида сўз юритилади.

Бу ҳолатда пойтахт ИИББ ходимлари маълумотни олишди, текшириб кўришди ва у ҳеч қандай салбий оқибатларга олиб келмаслигига амин бўлишди.