ОАВ: Қошиқчи саудиялик шаҳзоданинг акаси билан АҚШда учрашган

Фото:Middle East Monitor / Handout via Reuters

Саудиялик мухолиф журналист Жамол Қошиқчи ўлимидан бир неча ой олдин Саудия Арабистонининг АҚШдаги элчиси Холид бин Салмон билан учрашган. Бу ҳақда NBC уч нафар манбага асосан хабар бермоқда.

Саудия Арабистонининг АҚШдаги элчиси Саудия валиаҳд шаҳзодаси Муҳаммад бин Салмоннинг акаси ҳисобланади.

Телеканал маълумотларига кўра, уларнинг Вашингтондаги учрашуви ярим соат давом этган. Журналист ва элчи айнан нима ҳақида суҳбатлашганига аниқлик киритилмаган, бироқ NBC’дан таъкидлашларича, Қошиқчининг ўзи кейинчалик бу учрашувни «ижобий» дея таърифлаган.

Эслатиб ўтамиз, аввалроқ ОАВ Жамол Қошиқчи бўғиб ўлдирилгани ҳақида хабар берганди.

ABC телеканалининг номини ошкор этишдан бош тортган саудиялик амалдорга асосан хабар қилишича, Жамол Қошиқчи подшоҳликнинг Истанбулдаги консуллигида «бўғиб ўлдирилган», бу ҳолат у бинони тарк этиш ва ёрдам сўрашга уринганидан сўнг юз берган.

#Саудия Арабистони #Жамол Қошиқчи

The Washington Post нашри учун ишлайдиган журналист Жамол Қошиқчи 2 октябрь куни Саудия Арабистонининг Истанбулдаги бош консуллиги биносига кириб кетгач, изсиз йўқолди