Эрон президенти Қошиқчи иши бўйича кутилмаган баёнот билан чиқди

Фото: AP

Эрон президенти Ҳасан Руҳонийнинг маълум қилишича, саудиялик мухолиф журналист Жамол Қошиқчининг қотиллари АҚШ ҳукумати қўллаб-қувватловисиз ўз мақсадига эриша олмаган бўларди. Бу ҳақда сиёсатчининг расмий сайтида хабар қилинган.

Таъкидланишича, Руҳоний Туркияни холис суриштирув жараёнини ўтказишга чақиради. Президент замонавий дунёда бундай «ташкиллаштирилган қотиллик» амалга оширилганидан ҳайратга тушган.

«... Мен мамлакат Америка Қўшма Штатларининг қўллаб-қувватловисиз бундай қотилликка қўл урмаган бўларди, деб ҳисоблайман», - дея маълум қилди Руҳоний.

Эслатиб ўтамиз, аввалроқ АҚШ 21 нафар саудияликка давлатга киришни тақиқлагани хабар берилганди.

Reuters’нинг Давлат департаменти расмий вакили Ҳизер Науэртга таяниб хабар қилишича, Қўшма Штатлар ҳукумати Саудия Арабистонининг 21 нафар вакилига Америка визаларини бекор қилди ёки давлатга киришни тақиқлади, бу саудиялик мухолиф журналист Жамол Қошиқчининг ўлдирилиши сабабли юз берди.

#Эрон #Ҳасан Руҳоний #Жамол Қошиқчи

The Washington Post нашри учун ишлайдиган журналист Жамол Қошиқчи 2 октябрь куни Саудия Арабистонининг Истанбулдаги бош консуллиги биносига кириб кетгач, изсиз йўқолди