Яна бир ташкилот ходимлари Тошкентда доимий прописка олиши мумкин

Фото: KUN.UZ

Давлат ветеринария қўмитасида ишловчи ходимлар ҳам Тошкент шаҳри ва Тошкент вилоятида доимий прописка қилиниши мумкинлиги белгиланди. Бу ҳақда Адлия вазирлигининг телеграм-канали хабар бермоқда.

Ҳукуматнинг 2018 йил 26 октябрдаги қарори билан Давлат ветеринария қўмитаси Раҳбарлари ходимларни Тошкент шаҳри ва Тошкент вилоятида доимий прописка қилиш тўғрисида илтимоснома киритиши мумкин бўлган давлат органлари ва бошқа давлат ташкилотлари рўйхатига киритилди.

Эслатиб ўтамиз, Рўйхатда шу пайтгача 69та ташкилот мавжуд эди.

Аввалроқ, энди Тошкентда исталган янги қурилган уйдан кўчмас мулк сотиб олинганда прописка берилиши хабар қилинганди.