Фото: AKIpress
Қирғизистон Жогорку Кенешининг ташқи ишлар қўмитаси мамлакатнинг Ўзбекистондаги элчиси лавозимига Иброҳим Жунусов номзодини тасдиқлади. Ушбу қарор 13 ноябрь кунги қўмита йиғилишида қабул қилинди.
И. Жунусов номзоди ташқи ишлар вазирининг биринчи ўринбосари Динара Кемелова томонидан тақдим этилди.
Иброҳим Жунусов 2014 йилдан Қирғизистоннинг Туркиядаги элчиси лавозимида ишлаб келаётган эди. Унинг ваколатлари муддати тугаган.
Эслатиб ўтамиз, аввалроқ Қирғизистон Ўзбекистонга янги элчи тайинламоқчи экани хабар берилганди.
