ЙПХ ходимига ўз хизмат вазифаларини яширин усулда олиб бориш тақиқланди

Фото: KUN.UZ

Йўл-патруль хизмати ходимларининг йўл ҳаракати қатнашчилари билан ўзаро муносабатлари ҳамда махсус мосламалардан фойдаланиш тартиби тўғрисидаги низом тасдиқланди.

Адлия вазирлиги телеграм-канали хабарига кўра, унга мувофиқ:

транспорт тўхтатилганда ҳайдовчи ЙПХ ходими тўхтатилган ҳудудда дислокацияга асосан хизмат ўтаётганлигини тасдиқловчи дислокациянинг кўчирмаси билан танишиши мумкин;

ЙПХ ходими томонидан ўзининг дислокациясидан ташқарида расмийлаштирилган баённомалар юридик кучга эга бўлмайди;

ЙПХ ходими транспортни ва юкларни кўздан кечириш, транспортни таъқиб қилиш ёки кузатиш ҳуқуқига эга. Бунда йўл ҳаракати қатнашчиларининг ҳаёти ва соғлиғи учун хавфли ҳаракатлар содир этилмаслиги лозим;

ЙПХ ходими ўз хизмат вазифаларини белгиланган экипировкада ошкора усулда амалга оширади ҳамда хизматни яширин олиб бориш тақиқланади.

#транспорт #ЙПХ