Хитойнинг Шэньян шаҳридаги Guaipo Tiger Park сафари-боғидаги сибир йўлбарслари вазн тўпламоқда. Таъкидланишича, улар шу йўл билан қишга тайёрланмоқда, деб ёзади Daily Mail.
Ушбу ҳолат сайёҳларнинг эътиборини тортган ва улар анчагина вазн тўплаган йўлбарсларни тасвирга туширишган.
Зоологларнинг айтишича, йўлбарсларнинг совуққа тайёрланиш учун кўпроқ озуқа ейиши табиий ҳолдир.
Сибир йўлбарси урғочисининг вазни қишда тахминан 10 фоизга ошиб, 320 кг.гача етади. Бу даврда йўлбарснинг иштаҳаси ўртача учдан бир қисмга ошади. Боғ ходимларининг айтишича, қишда йиртқичлардан ҳар бири кунига 8 кг.дан, ёзда эса 6 кг.дан сал кўпроқ гўшт ейди.
Қишда Шэньянда ҳаво ҳарорати минус 22 даражагача тушиб кетади.
