«Аякс» ҳимоячиси Маттейс де Лигт «Ювентус» ва «Барселона» клублари унга бефарқ қарамаётганига муносабат билдирди.
«Италия – юқори даражадаги чемпионатга эга мамлакат. Лекин мен ҳозир «Аякс» сафида Нидерландия чемпионлиги учун курашяпман. Биз Чемпионлар лигасида ҳам қатнашяпмиз.
Роналду билан «Ювентус»да ёки Месси билан «Барселона»да тўп суришдан қай бирини танлайман? Мен «Аякс»да Ҳаким Зиёш билан ўйнашни афзал биламан», - деган де Лигтнинг сўзларини келтирмоқда журналист Жанлука ди Марцио.
Эслатиб ўтамиз, амстердамликларнинг 19 ёшли сардори кеча «Golden Boy» мукофоти соҳиби бўлди. У ушбу мавсум Эредивизиянинг 15 ўйинида майдонга тушиб, иккита голга ассистентлик қилган.
