Нью-Йоркда канадалик «янги 11 сентябр»га тайёргарлик кўргани учун 40 йилга қамалди

Канаданинг 20 ёшли фуқароси, ИШИД террорчилик ташкилоти аъзоси Абдураҳмон ал-Баҳнасави 2016 йилнинг ёзида Нью-Йоркда терактлар содир этиш мақсадида тил бириктиргани учун 40 йилга озодликдан маҳрум этилди. Бу ҳақда АҚШ Адлия вазирлиги сайтида хабар берилган.

Расмийлар версиясига кўра, ал-Баҳнасави метро ва Нью-Йоркнинг бош майдони - Таймс-скверда - 2016 йил ёзида портлашлар уюштиришни режалаштирган. Шунингдек, у концерт майдонларида тинч аҳоли вакилларига қарата ўт очиш мақсадида бўлган.

Ал-Баҳнасави метро харитасида бомба қўйилган жойларни кўрсатди. У портловчи қурилмалар тайёрлаш учун кўплаб материаллар сотиб олган, дея қўшимча қилиб ўтишган АҚШ Адлия вазирлигида. Эркак режалари ҳақида икки нафар шериги - Нью-Йоркда теракт содир этиш учун келмоқчи бўлган, Покистондан бўлган америкалик ва пул жўнатган Филиппин фуқароси билан ўртоқлашган. Уларнинг ҳар иккиси ҳам 2016 йилда қўлга олинган ва АҚШга экстрадиция қилинган.

Таъкидланишича, жиноятчини аниқлаш ва қўлга олишга ФҚБнинг махсус бириктирилган агенти туфайли эришилган.

Прокурорнинг сўзларига кўра, ал-Баҳнасави «янги 11 сентябрь» уюштиришни режалаштирган.

Эслатиб ўтамиз, аввалроқ ОАВ ИШИД Лондон метросига кимёвий ҳужумни режалаштиргани ҳақида хабар берганди.