Сергей Лавров Тошкентда МГИМО филиали очилишини маълум қилди
Россия Федерацияси Ташқи ишлар вазирлигининг Москва Давлат халқаро муносабатлар институти (МГИМО) Тошкент ва Бокуда институт филиалларини очиш ҳамда Узоқ Шарқ федерал университети (ДВФУ) базасида бўлинма ташкил этиш бўйича иш олиб бормоқда.
Бу ҳақда Россия ташқи ишлар вазири Сергей Лавров пайшанба куни университетнинг кузатув ва васийлик кенгаши қўшма йиғилишида маълум қилди, дея хабар беради ТАСС.
«МГИМО хориждаги ўз позициясини мустаҳкамламоқда, - дея қайд этиб ўтди вазир. - МГИМО Озарбайжон ва Ўзбекистон билан биргаликда ўз филиалларини ташкил этиш учун тайёргарлик ишларини олиб бормоқда».
Россия Ташқи ишлар вазирлиги раҳбарининг сўзларига кўра, ҳозирги вақтда университет низомига Озарбойжон ҳамда Ўзбекистонда филиаллар очиш бўйича тегишли ўзгартиришлар киритилмоқда.
Мавзуга оид
00:09 / 01.10.2024
Аграр университетдаги ёнғин ўчирилди
09:30 / 30.09.2024
Тошкентда ўзини банк ходими деб таништириб, ўзганинг 15 млн сўмини ўзлаштирган шахс ушланди
12:20 / 28.09.2024
“Тезлигим 80 да эди” – 19 ёшли қизни уриб юборган ҳайдовчи қамоққа олинди
22:30 / 27.09.2024