Сильвен Фор Франция президенти Эммануэль Макроннинг матбуот хизмати ва жамоатчилик билан алоқалар хизмати раҳбари лавозимини тарк этмоқда. Бу ҳақда Le Parisien газетаси ўз сайтида хабар берди. Фор ушбу нашрга ўз қарорини тасдиқлаган.
Газетанинг таъкидлашича, истеъфога президент ва муқаддам унинг яқин дўсти деб ҳисобланган ёрдамчиси ўртасидаги муносабатлар ёмонлашуви сабаб бўлган бўлиши мумкин. Эндиликда, 46 ёшли Фор Елисей саройини президент маъмуриятининг собиқ ходими Александр Беналля билан боғлиқ иккинчи можаро авж олган пайтда тарк этмоқда.
Фор кетиш ҳақидаги қарорига изоҳ бериб, «ўзини оиласига бағишлаш ниятида» эканини ва бу истеъфо январь ойи охирларида содир бўлишини хабар қилган. Президентликка номзод Эммануэль Макроннинг 2017 йилдаги сайловолди кампаниясида фаол қатнашган Фор унинг матбуот хизматига раҳбарлик қилди, аммо сайловлардаги ғалабадан сўнг президент маъмурияти матбуот хизмати раҳбари лавозимидан бош тортди. Натижада 2015 йилнинг баҳорида президент спичрайтерига айланди.
Фор бу лавозимда 2018 йилнинг ёзигача қолди, ўшанда «Беналля иши» юзага келганидан кейин у Макроннинг талаби билан Елисей саройи матбуот хизматини ўз қўлига олди.
