Вазирлар Маҳкамаси аппаратининг таркибий бўлинмалари тузилмаси тасдиқланди

Ўзбекистон Республикаси Вазирлар Маҳкамаси аппаратининг таркибий бўлинмалари тузилмасини тасдиқлаш тўғрисидаги ҳукумат қарори қабул қилинди.

Адлия вазирлиги телеграм канали хабарига кўра, қарор билан қуйидаги тузилмалар тасдиқланди:

Бош вазирнинг котибияти, протокол хизмати ва матбуот хизмати;

Ҳукуматнинг Олий Мажлисдаги ваколатли вакили котибияти;

Халқаро ҳамкорлик бўлими;

Ҳарбийлаштирилган тузилмалар фаолиятини молиявий ва моддий-техник таъминлаш бўлими;

Телекоммуникациялар, IT-технологиялар ва инновацион фаолиятни ривожлантириш, ахборот хавфсизлигини таъминлаш масалалари котибияти;

Ёшлар сиёсати, маданият, маънавият, оммавий ахборот воситалари, ижодий ва жамоат ташкилотлари масалалари котибияти;

Бош вазир ўринбосарлари ва маслаҳатчилари котибиятлари;

Ҳукумат аппарати бошқарувчиси, унинг ўринбосарлари, котибиятлари ва ҳукуматнинг функционал бўлинмалари.

Эслатиб ўтамиз, аввалроқ Очилбой Раматов лавозимини сақлаб қолгани ва унга янги вазирлик раҳбарлиги топширилгани хабар берилганди.