Германия Россия таҳдиди сабабли мудофаа харажатларини ошириши лозим, деди АҚШнинг ушбу давлатдаги элчиси Ричард Гренелл Welt am Sonntag нашрига берган интервьюсида.
«НАТО 2024 йилга келиб харажатларни ЯИМнинг 2%игача оширишни сўрамоқда. АҚШ ўзининг буюк иттифоқчиси Германияга ҳозир НАТОни бўшаштириш вақти эмаслигини эслатмоқда. Руслар остонада турганида НАТО кучайишга муҳтож эканлигини ҳамма англаши лозим», — деди Греннел.
Январь ўрталарида Германия ТИВ Гренеллнинг немис компанияларига таҳдид қилиб жўнатган мактубини танқид қилганди. Гренеллнинг ўзи эса фақат Америка ҳукуматининг баёнотини такрорлаганини билдирганди.
