Инҳа университети абитурентлар ва ота-оналар учун “Очиқ эшиклар куни”ни ўтказади

Тошкент шаҳридаги Инҳа университети мактаб ўқувчилари, академик лицей ва касб-ҳунар коллежларининг ўқувчилари, ҳамда уларнинг ота-оналари учун “Очиқ эшиклар куни”ни ўтказади.

Тошкент шаҳридаги Инҳа университети маъмуриятининг Kun.uz’га маълум қилишича, ОТМ бу йил “Очиқ эшиклар куни”ни 2019 йилнинг 16 февралида  ўтказади.

“Очиқ эшиклар куни” Тошкент шаҳри, Зиёлилар кўчаси, 9 манзили бўйича жойлашган  Инҳа университети биносида соат 10.00да бошланади. Кун давомида ташриф буюрувчилар университет, ҳамда талабалар учун яратилган шарт-шароитлар билан танишиши мумкин бўлади.

Тошкент шаҳридаги Инҳа университети вакиллари абитуриентлар, ҳамда ота-оналарни қизиқтирган барча саволларга батафсил жавоб қайтаради.