Фото: Reuters
Римнинг собиқ мэри Жанни Алеманно коррупция учун 6 йиллик қамоқ жазосига ҳукм қилинди.
Бошланғич инстанция суди қарори Римда 2014 йил декабрда авж олган ва “Mafia Capitale” (Пойтахт мафияси) деб ном олган шов-шувли коррупцион можаронинг тергови жараёнида қабул қилинди.
Римга 2008-2013 йиллар мэрлик қилган Алеманнога мафия фойдасига ноқонуний қарорларни қабул қилгани учун 223 минг евро пора олиш айблови қўйилган. Пуллар Алеманно асос солган Nuova Italia жамғармаси ҳисоб рақамига ўтказилган.
61 ёшли сиёсатчи ҳукм эълон қилингандан кейин уни “хато” деб атаган ва аппеляция судига мурожаат қилишга ваъда берган.
