Юқори қон босимига қарши чой тури топилди

Фото: «Мир 24» / Татьяна Константинова

Юқори қон босимини нафақат дори воситалари, балки чой ҳам тушира олади. Бундай хулосага Германия ва Швейцария олимлари келишган. Бу ҳақда Daily Express нашри хабар берди.

Бироқ гап ҳар қандай чой эмас, балки унинг муайян бир тури ҳақида кетмоқда.

Олимлар бундай хулосага 18 ёшдан 60 ёшгача бўлган 40 киши иштирокида ўтказилган икки тажриба давомида келишган. Биринчи тажрибада иштирокчилар ҳар куни эрталаб зайтун барглари дамламасидан 500 мг, яъни ярим литрдан ичишган. Иккинчи тажрибада эса иштирокчилар бу чойдан бир литрдан ичишган. Натижада олимлар бу модданинг миқдори қанча кўп бўлса, у гипертонияга қарши шунчалик самарали курашишини аниқлашган.

Олимларнинг таъкидлашича, бу дарахт барглари Қадимги Греция вақтидаёқ табиблар томонидан қўлланган.

#қон босими #зайтун