ЖАРда ноодатий пушти рангдаги филча тасвирга олинди. Ноодатий филча муҳрланган ролик YouTube’да Caters News Agency агентлиги томонидан эълон қилинди.
Сафари-гид Тим Янсен ван Вюрен филчани Крюгер миллий боғидаги “Мала-Мала” қўриқхонасида аниқлаган.
Видеода кулранг-пушти филча боғ бўйлаб бошқа филлар билан сайр қилиб юрганини кўриш мумкин. Филнинг ўлчамларига кўра, у 2-3 ҳафталик.
Роликка берилган изоҳда филчанинг ноодатий кўриниши лейкизм билан боғлангани айтилган. Бу мутация ташқи қоплама рангининг қисман йўқотилишига олиб келади.
