«ASIA ALLIANCE BANK» акционер-тижорат банки юридик ва жисмоний шахслар учун барча асосий банк хизматлари бозорларида кучли позицияга эгалик қилувчи банк бўлиб, мижозлар сонини ошириш ва ўзини универсал молиявий институт сифатида намоён этиш орқали доимий равишда ресурслар базасини тўплашга ҳаракат қилмоқда. Банк ўз фаолиятини 10 йилдан буён олиб боради ва шу вақт ичида сермаҳсул натижаларга эришган ва мижозлари ишончини қозонган ишончли ва барқарор ҳамкор сифатида ўзини кўрсата олди.
Аввалдан оқилона кредит сиёсати, мустаҳкамлик, мижозлар ишончи ва хизмат сифатини оширишни устувор вазифа деб танлаган пухта танланган жамоа банкнинг жадал ривожланишига ҳисса қўшди. Буларнинг бари, биринчи навбатда рақобатбардошлиликни сақлаб қолиш, хўжалик субъектлари билан бир қаторда хусусий мижозларнинг турли эҳтиёжларини қондиришга имкон беради.
Қайд этиш жоизки, «ASIA ALLIANCE BANK» филиал тармоқларини мижозларни жалб этиш ва уларнинг сонини оширишни асосий омили сифатида фаол тарзда ривожлантириб бормоқда. Ўз фаолияти давомида банк хизматлари ва маҳсулотларини тарғиб қилиш мақсадида инфратузилмали бўлинмаларини кенгайтиришга алоҳида эътибор қаратмоқда. Ҳозирда Тошкент шаҳрида олтита йирик филиаллар – Банкнинг бош идораси қошидаги Амалиёт бошқармаси, Шайхонтоҳур, Олмазор, Мирзо Улуғбек, Миробод ва Чилонзор филиаллари мавжуд. Шунингдек, 16 мини-банклар, корхонага тегишли 14 ихтисослаштирилган кассалар мавжуд.
2019 йил 10 апрелда банк Фарғона шаҳрининг марказий ва аҳоли зич жойлашган туманларининг бирида мижозлар учун Фарғона филиалини очди. Филиал биносининг қулай жойлашуви, шинам шароитлар, катта ёпиқ автотураргоҳ Фарғона аҳолиси учун малакали мутахассислар ва масофавий каналлар томонидан тақдим этилувчи кенг кўламдаги банк хизматларидан фойдаланиш имконини беради.
Фарғона филиали мутахассислари консультацион хизмат кўрсатиш, банк мижозлари ҳисобини очиш ва юритиш, пул ўтказмаларини амалга ошириш, жисмоний шахсларга истеъмол пул маблағларини тақдим этишлари мумкин. Шунингдек, Фарғона вилояти тадбиркорлари лойиҳаларини банк жамғармаси ва хорижий пул маблағлари линиялари ҳисобига молиялаштиришга ёрдам беришади. Ҳар бир киши УзКард тўлов тизимидаги карталар ва VISA ҳамда UnionPay халқаро пластик карталарини очишлари мумкин.
Таъкидлаш жоизки, яқин келажакда «ASIA ALLIANCE BANK»нинг барча филиаллари, жумладан, янги Фарғона филиалида Master Card халқаро пластик карталари очилади. Бундан ташқари, банк мижозларига миллий ва чет эл валютасида муддатли, жамғарма омонатлари қулай ҳамда имтиёзли шартлар асосида таклиф этилади.
«ASIA ALLIANCE BANK» хизмат кўрсатиш сифати ва қулайлигини доимий тарзда ошириб боришни асосий мақсад қилиб олган ҳолда IТ-технологиялари асосида ишлаб чиқилган банк хизматлари ва маҳсулотлари турини узлуксиз кенгайтириб бормоқда. Шу сабабли «ASIA ALLIANCE BANK» Интернет глобал тармоқларидан мунтазам фойдаланган ҳолда банк бўлинмаларига ташриф буюришни талаб қилмайдиган максимум банк хизматларини таклиф этишга интилмоқда.
Шу мақсад билан филиал биноси яқинида тун-у кун фаолият юритувчи павилъон жойлашган бўлиб, у банк ходимларига мурожаат этмасдан масофадан туриб ўз-ўзига хизмат кўрсатишга мўлжалланган. Шундай қилиб, ўрнатилган банкоматлар ёрдамида сўм ва валюта пластик карталаридан нақд пул ечиб олиш, пулни айирбошлаш мумкин. Автоматлаштирилган депозит машинаси (АДМ) орқали онлайн тарзда пул тушумини топшириш, «ASIA ALLIANCE BANK» тизимида очилган пул маблағларини сўндириш ва пластик карталарга пул тўлдириш мумкин. Бунинг учун шунчаки «ASIA ALLIANCE BANK» билан шартнома тузиш керак. Замонавий инфокиосклар сизга СМС хабарларни улаш, хизматлар учун тўловларни амалга ошириш ва корпоратив мижозлар учун интернет-банкинг тизимидан фойдаланиш имконини яратади.
Очилиш маросими байрамона руҳда ўтказилди. Унда Фарғона вилояти ва шаҳри раҳбарлари, банк раҳбарияти ва бошқа расмий вакиллар иштирок этишди. Баҳорий қуёшли ҳаво билан тадбир иштирокчиларининг кўтаринки кайфияти ажойиб муҳитни яратиб, яқин ҳудудларда яшайдиган аҳолини қизиқишини орттирди ва филиал очилиши Фарғона шаҳри учун муҳим воқеага айланишига сабаб бўлди.
«ASIA ALLIANCE BANK» АТБ ўз фаолиятидаги долзарб ва зарур йўналишларни ривожлантирган ҳолда конструктив ҳамкорликка ҳамиша тайёр. «ASIA ALLIANCE BANK» Фарғона филиали томонидан ҳам мижозларнинг бизнес ташаббусларини қўллаб-қувватлаш, уларга банк хизматлари ҳамда сервисига оид исталган масалани ҳал этишда юқори сифатли ва оператив ёрдам кўрсатиш учун барча зарур чора-тадбирлар амалга оширилади.
Сайт: www.aab.uz
Telegram канал: t.me/asiaalliancebank
Facebook: fb.com/AsiaAllianceBank
Instagram: instagram.com/asia_alliance_bank
Реклама ҳуқуқи асосида
