Порошенко АҚШдан дахлсиз қолишига кафолат олди – ОАВ

Фото: РИА Новости / Стрингер

АҚШ Украинанинг амалдаги президенти Пётр Порошенкога дахлсиз қолиши кафолатини берди. Бу ҳақда Вашингтондаги манбаларга иқтибос келтирган ҳолда “Страна.ua” нашри хабар берди.

Нашрнинг таъкидлашича, АҚШ Украина президенти сайловларида ғалаба қозонган Владимир Зеленский жамоасига “Порошенкога тегмасликни” уқтирган.

Сайловларнинг дастлабки натижаларига кўра, Зеленский 72,87 фоиз овоз тўплаган, Порошенкони эса 24,8 фоиз сайловчи қўллаб-қувватлаган.

Порошенко мағлубиятини тан олиб, Зеленскийни ғалаба билан табриклаган.

Тайёрлаган Шуҳрат Раҳимов

#АҚШ #Пётр Порошенко

2019 йил 31 мартда Украина президентлиги учун сайлов ўтказилади. Унда иштирок этиш учун 44 номзод, шу жумладан амалдаги президент Пётр Порошенко ҳужжат топширган.