АҚШ ИШИДнинг Сурияда асирга олинган 1800 жангарисини панжара ортида ушлаб турибди

АҚШ ИШИДнинг Суриядаги жанглар вақтида асирга олинган 1800 жангарисини панжара ортида ушлаб турибди. Бу ҳақда АҚШ президенти Дональд Трамп айтиб ўтди.

Трампнинг таъкидлашича, айни вақтда 1,8 минг жангари қўлга олинган ва улардан аксарияти Европа давлатлари фуқаролари ҳисоблангани сабабли АҚШ улар билан нима қилишга боши қотган. Шу сабабли Трамп Европани вазиятни ҳал қилишда “ёрдам бермасликда” ва ўз фуқароларини қайтариб олмаётганликда айблади.

Аввалроқ Трамп бундай жангариларни озодликка қўйиб юбориш билан таҳдид қилган.

“Бизда Суриядаги халифаликни 100 фоиз йўқ қилиш бўйича олиб борган охирги жангларимизда асирга олинган 1,8 минг жангари бор. Ҳозир бу хавфли маҳбуслар билан  нима қилиш борасида қарор қабул қилинмоқда. Европа давлатлари мутлақ ёрдам бермаяптилар, ваҳоланки бу уларнинг манфаатлари йўлида қилинганди”, деб ёзган Трамп твиттерда.