Фото: Hindustan Times
Ҳиндистон шарқидаги Орисса штати ҳукумати "Фани" қуюни яқинлашиб келаётгани сабабли соҳилбўйи ҳудудларида яшовчи 800 мингга яқин киши эвакуация қилинишини маълум қилди. Бу ҳақда Times of India газетаси хабар бермоқда.
Эвакуация пайшанба кечқурунга қадар якунланиши лозим. Одамлар махсус жиҳозланган марказлар, таълим муассасалари ва бошқа мустаҳкам биноларга жойлаштирилмоқда.
Тахмин қилинишича, "Фани" қуюни штат соҳилига жума куни кундузи етиб келади.
Шамол тезлиги соатига 200 километрга етиши мумкин, шунингдек, кучли ёмғирлар ёғиши кутилмоқда, деб хабар беради газета Ҳиндистон Метеорология департаментига таяниб.
