АҚШда “Қиёмат куни самолёти”нинг ичи намойиш қилинди (видео)

АҚШда журналистлар АҚШнинг олий сиёсий ва ҳарбий раҳбариятига мўлжалланган E-4B самолётининг ичини намойиш қилишди. Самолёт дунёдаги барча қурилмалар билан боғланиш учун 60 та сунъий йўлдош тарелкаси ва антенналар билан жиҳозланган.

Самолёт ядро зарбаси ҳолатида керак бўлади ва ҳафтасига 7 кун давомида 24 соатдан учишга тайёр.

Шундай самолётлардан бири экипажи аъзосининг айтишича, самолётлар ўзидан 
“захира Пентагон”ни акс эттиради.

E-4B самолёти Boeing 747 негизида қурилган ва 1980 йилдан бери ишлатиб келинади. Айни вақтда АҚШда бундай самолётлардан 4 та бор. Улар Небраска штатидаги Оффатт авиабазасида туради.

Самолётда 18 та каравот, 6 та ваннахона, ошхона, анжуманлар зали, ишчи ўринлар ва АҚШ мудофаа вазирлиги раҳбарияти учун кабинет бор.

Самолёт 112 кишига хизмат кўрсатиши мумкин. Унинг бошқа кўрсаткичлари махфийлаштирилган.