Халқаро коинот станцияси экипажининг 3 аъзоси “Союз МС-11” фазовий кемаси қурилмасида Қозоғистон даштида, Жезқазған шаҳридан 145 км жануброқда қўнди. Бу ҳақда Москва вилоятидаги парвозларни бошқариш марказида маълум қилинди.
Ерга Роскосмос фазогири Олег Кононенко, NASA ва Канада коинот агентлиги астронавтлари Энн Макклейн ва Давид Сен-Жак фазода 204 кун бўлгандан кейин қайтган.
Кема ХКСдан 25 июнь Тошкент вақти билан соат 04:25 да ажралиб, 07:48да қўнишни амалга оширган. Таъкидланишича, фазогирлар ўзларини яхши ҳис қилмоқдалар.
ЕСТЬ ПОСАДКА! «Антаресы» дома! Экипаж пилотируемого корабля #СоюзМС11 благополучно вернулся на Землю спустя 204 суток полёта!
— РОСКОСМОС (@roscosmos) June 25, 2019
Трансляция — https://t.co/ip4MnegEqX
//
TOUCHDOWN! Welcome home, Oleg, Anne and David!#SoyuzMS11: live broadcast — https://t.co/ip4MnegEqX pic.twitter.com/29udbRy3Vc
Айни вақтда ХКСда россиялик Алексей Овчинин, америкалик Ник Хейг ва Кристина Кук ишни давом эттирмоқда.
Коинот станциясига кейинги экспедиция Бойқўнғир космодромидан 20 июлда “Союз МС-13” кемасида жўнатилади. Янги экипаж таркибига Роскосмос вакили Александр Скворцов, NASA ва Европа коинот агентлиги вакиллари Эндрю Морган ва Лука Пармитано (Италия) киради.
