Энг кам иш ҳақи ўрнига базавий ҳисоблаш миқдори киритилиши айрим тўловларда қандай акс этади?

Иккинчидан, меҳнатга лаёқатсизлар, ёлғиз кексалар, пенсионерлар ва уларнинг оила аъзоларига коммунал уй-жой фондида уй-жой бериш учун уларнинг даромадларини ўртача жон бошига ҳисоб-китоб қилиш формуласи ўзгартирилади. Ҳозир даромадлар бир ойда ЭКИҲдан, яъни 223 000 сўмдан кам бўлиши керак, энди эса ойига МҲЭКМнинг 35%идан, яъни 222 208 сўмдан кам бўлиши лозим.

 Учинчидан, жабрланганларга – меҳнатда шикастланиши оқибатида ногирон бўлганларга, шунингдек боқувчисини йўқотганларга зарарни қоплашнинг энг кам миқдори МҲЭКМнинг 17,5%ини, яъни 111 104 сўмни ташкил қилади (ҳозир – ЭКИҲнинг 50%и ёки 111 500 сўм). Вақтинча меҳнатга лаёқатсизлик бўйича нафақанинг энг кам миқдори МҲЭКМнинг 35%ини, яъни 222 208 сўмни ташкил қилади, ҳозирги вақтда бу 223 000 сўмга (1 ЭКИҲга) тенг. 

 Тўртинчидан, бир йўла тўланадиган пул мукофотлари, шунингдек иш ҳақига устамалар ва давлат мукофотларига сазовор бўлган шахслар пенсияларининг янги миқдорлари белгиланади.

«Ўзбекистон Республикаси фахрий донори» кўкрак нишони соҳибларига пул мукофоти МҲЭКМнинг 1,75 бараварини (1 111 040 сўм), ҳозир – 5 ЭКИҲни (1 115 000 сўм) ташкил қилади.

 Бешинчидан, ишламайдиган хизматга чақирилувчиларга тўланадиган нафақа миқдори МҲЭКМнинг 35%ига тенглаштирилади (ҳозир – 1 ЭКИҲ). Пул ифодасида – 222 208 сўм (ҳозир – 223 000 сўм).

 Олтинчидан, депутатлар ва сенаторларга уларнинг фаолияти билан боғлиқ, ЖШДС солинмайдиган ҳар ойлик тўловлар МҲЭКМнинг 1,75 бараварини ёки 1 111 040 сўмни ташкил қилади (ҳозир – 5 ЭКИҲ ёки 1 115 000 сўм).

 Еттинчидан, озодликдан маҳрум қилишга ҳукм этилганлар томонидан бир ой давомида сарфлашга рухсат этилган пул маблағларининг янги миқдори белгиланади.

Маҳкумлар енгиллаштирилган сақлаш шароитига ўтказилганда, меҳнат нормаси ва меҳнат вазифаларини бажарганда, шунингдек байрам кунлари рағбатлантириш тарзидаги рухсат этилган қўшимча харажатлар суммаси МҲЭКМнинг 3,5%игача, яъни 22 220,8 сўмгача миқдорни ташкил қилади (ҳозир – ЭКИҲнинг 10%и, яъни 22 300 сўм). Янги келган маҳкумга озиқ-овқат маҳсулотлари ва энг зарур нарсалар сотиб олиш учун аванс миқдори МҲЭКМнинг 17,5%ини, манзил-колонияларда эса – 35%ини ташкил қилади. Бу тегишинча, 111 104 сўм ва 222 208 сўм деганидир. Ҳозирги кундаги рақамлар – 111 500 сўм (ЭКИҲнинг 50%и) ва 223 000 сўм (1 ЭКИҲ).

Лойиҳа ўзгартирилиши, унга қўшимча киритилиши ёки рад этилиши мумкин.