Темир йўл бекати ёнида рафиқасига жароҳат етказган шахс ушланди

2019 йил 26 август куни Фарғона вилоятининг Бешариқ туманида яшовчи 27 ёшли Ф.Ж. Водий кўчасида жойлашган “Рапқон” темир йўл бекати ёнида оилавий жанжал оқибатида 28 ёшли рафиқаси Р.А.нинг қорин ва юз қисмига уриб-тепиб, жароҳат етказган.

Ўзбекистон Республикаси ИИВ Жамоатчилик ва ОАВ билан алоқалар бошқармаси хабарига кўра, натижада Р.А. касалхонага ётқизилган. Ҳолат юзасидан жиноят иши қўзғатилиб, Ф.Ж. ушланган. 

Тергов ҳаракатлари олиб борилмоқда.