Ўзбекистонда мокилик импорти кескин қисқаришда давом этмоқда

Ўзбекистонда мокилик савдоси ҳажми қисқаришда давом этмоқда. Бундан Марказий банкнинг 2019 йилнинг I ярим йили учун тўлов баланси ва халқаро инвестицион позицияси, шунингдек, ташқи қарз бўйича маълумотлари дарак беряпти.

Хусусан, 2019 йил I ярим йилликда мокилик савдоси ҳажми 195,4 млн долларни ташкил қилган. Яъни, йилнинг 1-чорагида - 97,7 млн, 2-чорагида ҳам 97,7 млн доллар.

Шу билан бирга, 2018 йил I ярим йиллигида мокилик савдоси миқдори 607,6 млн долларга тенг бўлган. 2018 йил якунлари бўйича эса - 1,08 млрд доллар.

Мокилик импорти ҳам қисқаришда давом этмоқда - 141,2 млн доллар, экспорт - 54,3 млн доллар. 

Бундан олдин, Ўзбекистон ташқи қарзи 20,7 млрд долларга етгани хабар қилинганди.