Қўшимча функционаллар
-
Тунги кўриниш
213 грамм қуйма тиллаларни оғзига солиб, хорижга учмоқчи бўлган шахс божхоначилар томонидан қўлга олинди
Фото: Давлат божхона қўмитаси ахборот хизмати
Божхона органлари томонидан қонунбузарлик ҳолатларига қарши самарали кураш олиб борилмоқда.
“Тошкент” халқаро аэропорти божхоначилари хорижга учиб кетиш мақсадида “яшил” йўлак орқали ҳаракатланган фуқаро М.А.нинг хатти-ҳаракатларини тезкор кузатувга олишди. Бу ҳақда Давлат божхона қўмитаси ахборот хизмати хабар бермоқда
Шундан сўнг ушбу фуқаро замонавий сканер қурилмаси ёрдамида холислар иштирокида текширувдан ўтказилганда унинг қинғир режаси фош этилди.
Қарангки, ушбу шахс ўз оғиз бўшлиғига умумий вазни 213 граммни ташкил этувчи 2 дона қуйма тилла бўлакларини солиб, хорижга учиб кетишни режалаштирган экан.
Аммо, унинг бу найранги иш бермади. Қонунбузардан умумий қиймати 70 миллион сўмдан ортиқни ташкил этувчи қуйма тилла бўлаклари ашёвий далил сифатида олинди.
Ҳозирда ҳолат юзасидан божхона органлари томонидан суриштирув ҳаракатлари давом эттирилмоқда.
Мавзуга оид
10:43 / 03.05.2024
Эски жўва бозорида заргарлик дўконидан 49 млн сўмлик тилла буюмларни ўғирлаб кетган 12 ёшли бола ушланди
19:30 / 31.01.2023
Имтиёз, қулайлик ва йўқолаётган бюрократия – божхона тизимида нималар ўзгарди?
23:41 / 11.01.2023
Заргарлик буюмларини Ўзбекистондан олиб чиқиш бўйича енгиллик берилди
07:32 / 07.01.2023