Британиянинг Wowcher чегирмалар агрегатори сайтида ижтимоий тармоқларда ўз саёҳати ҳақида ҳикоя қилиб берадиган саёҳатчи вакансияси жойлаштирилди.
У йил давомида турли давлатлардаги 40та шаҳарга бориши керак бўлади. Саёҳатга ўзи билан бир кишини олиши, шу билан бирга ҳар бир саёҳатга турли ҳамроҳ билан бориши мумкин.
Ушбу иш ўрнига даъвогардан таассуротлари тўғрисида YouTube ва ижтимоий тармоқларда ҳикоя қилиб бериш талаб қилинади.
Саёҳатчининг йиллик маоши 25 минг фунт стерлингни ташкил этади.
Хорижга чиқиш паспортига эга бўлган ёши 18дан ошган номзодлар бу ишга жойлашиш учун ариза бериши мумкин.
Даъвогарлар 30 декабрга қадар ўз интернет-аккаунтида 30 сониялик видео жойлаштириши ва нима учун бу иш ўрнига айнан у муносиб эканлигини изоҳлаши лозим.
