Германиялик собиқ дипломат Хитой фойдасига жосуслик қилишда гумонланмоқда

Фото: REUTERS/Mike Segar

Германия бош прокуратураси ЕИнинг германиялик собиқ дипломати ва лоббист фирмасининг икки ходимини Хитой фойдасига жосуслик қилишда гумон қилмоқда. Бу ҳақда "Шпигель" нашри хабар берди.

Нашрнинг маълумот беришича, ҳуқуқни муҳофаза қилиш органлари ушбу иш бўйича Берлин ва Брюсселдаги ҳамда Баден-Вюртемберг ва Бавария федерал ерларидаги офис ва хонадонларда тинтув ишларини ўтказган.

Хабар қилинишича, гумонланувчиларнинг иккитаси Хитой давлат хавфсизлик вазирлигига шахсий ва хизмат маълумотларини тақдим этишган.