Австралиядаги кучли ёмғирлар 2 ойдан кўпроқ давом этган ёнғинларни ўчирди

Фото: EPA/Vostock-photo

Австралиянинг ўрмон ёнғинларидан азият чекаётган Янги Жанубий Уэльс штатига кучли довул ёпирилиб, у олиб келган ёмғирлар штат ҳудудида 74 кундан бери давом этаётган ёнғинларни ўчирди.

Бу ҳақда 7news маҳаллий канали хабар берди. Маълум қилинишича, ёмон об-ҳаво оқибатида 100 мингдан кўпроқ одам, жумладан Сидней аҳолиси электр таъминотисиз қолган. Баъзи ҳудудларда тошқин юз бериши хавфи сабабли эвакуация эълон қилинган.

Айни вақтда довулдан 6 киши жабрлангани маълум қилинган. Таъкидланишича, довул вақтида Сидней соҳиллари яқинида баландлиги 14 метргача етган тўлқинлар кузатилган.