Қирғизистонда коронавирус тарқалиши хавфи сабабли оммавий тадбирлар бекор қилинди

Қирғизистон соғлиқни сақлаш вазирлигининг маълумот беришича, мамлакат ҳудудида коронавирусга чалиниш билан боғлиқ ҳолат аниқланмаган. 500дан ортиқ киши шифокорлар назорати остида бўлиб турибди.

Фото: REUTERS

Қирғизистонда аҳолининг коронавирусга чалиниш хавфи сабабли оммавий тадбирлар, жумладан 8 март ва Қалпоқ кунига бағишланган концертлар бекор қилинди. Бу ҳақда Қирғизистон ҳукумати матбуот хизмати маълум қилди.

"Коронавирусга қарши курашиш бўйича республика штаби коронавирус тарқалиши хавфи боис оммавий-маданий тадбирлар ўтказишни бекор қилиш тўғрисида қарор қабул қилди", - деди матбуот хизмати вакили.

Унинг сўзларига кўра, Халқаро хотин-қизлар куни ва Қалпоқ кунига бағишланган концертлар ҳамда қатор спорт тадбирлари бекор қилинган.

Аввалроқ Қозоғистонда коронавирус сабабли 8 март санасига бағишланган байрам тадбири ўтказилмаслиги хабар қилинганди.

Тайёрлаган Дилшод Аскаров

#Қирғизистон #коронавирус

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.