Февраль ойи охирида коронавирус бутун дунё бўйлаб кенг тарқала бошлагач - Осиёда (Хитой, Жанубий Корея ва Эрон), Европада (Италия ва қўшни давлатлар) минглаб томошабинлар иштирок этадиган спорт турнирларини ўтказиш бўйича шубҳалар пайдо бўла бошлади.
12 март ҳолатига кўра коронавирус таъсир кўрсатган спорт тадбирлари рўйхатида юздан ортиқ саҳифа мавжуд.
Айни вақтда қуйидаги топ-турнирлар бўйича қарор қабул қилиниши кутилмоқда:
— Европа чемпионати (17 март куни қарор чиқарилади)
— Ҳоккей бўйича жаҳон чемпионати (қарор — 15 март кунидан кейин эълон қилинади)
— Токиодаги Олимпия ўйинлари
— Ҳабиб Нурмагомедов — Тони Фергюсон ўртасидаги жанг
Бекор қилинган/тўхтатилган/кўчирилган
Футбол
Роналду 8 март куни Туриндаги «Ювентус» — «Интер» баҳси олдидан ўйинга кела олмаган мухлисларга ҳурмат кўрсатмоқда
Фото Reuters
Италия чемпионати 9 мартдан 3 апрелгача тўхтатилган.
«Ювентус» ҳимоячиси Даниэле Ругани 11 март куни А Серияда коронавирус инфекцияси тасдиқланган илк футболчи бўлди, туринликлар жамоаси сўнгги учрашувини ўтказган «Интер» билан бирга карантинга кетди.
Cristiano Ronaldo greeting imaginary fans cause of the Serie A closed door games! 😂😂😂 pic.twitter.com/iqFvckGXTp
«Ювентус»нинг Даниеле Руганидан ташқари яна бир футболчисида - Пауло Дибалада вирус аниқлангани ҳақида хабар тарқалган, аммо бу маълумот тасдиқланмаган. «Сампдория» ҳужумчиси Маноло Габбьядини топширган тест натижалари ҳам ижобий чиққан.
Испания чемпионати 12 март кунидан 2 ҳафта муддатга тўхтатилди. Шу куни «Реал»нинг баскетбол жамоаси карантин ҳолатига ўтказилди.
АПЛнинг бир қатор жамоалари аъзоларида коронавирус белгилари аниқланди - «Лестер» бош мураббийи уч нафар футболчида коронавирус тасдиқланганини эълон қилди, «Челси» ҳужумчиси Каллум Ҳадсон-Одои коронавирус юқтириб олгани тасдиқланди, «Арсенал» бош мураббийи Микель Артетада ҳам вирус аниқланган. «Эвертон» ва «Борнмут»да ҳам бир нафардан футболчида коронавирус аниқланди. Айни вақтда бу жамоалар тўлиқ таркиб билан карантинда, машғулот базалари ёпиб қўйилган.
Мавзуга оид
Бугун Франция ва Англия чемпионатлари ҳам 4 апрель кунига қадар тўхтатилиши эълон қилди. Аммо апрель ойида ҳам чемпионат ўйинлари тикланишига кафолат йўқ.
Бундеслига эса бу ҳафта дам олиш кунларидаги ўйинларни ўтказиб қўяди ва кейинги ҳафтадан танаффусга чиқади.
17-18 март кунлари ўтказилиши керак бўлган Чемпионлар лигаси плей-оффидаги «Манчестер Сити» — «Реал», «Ювентус» — «Лион», «Бавария» — «Челси», «Барселона» — «Наполи» — номаълум муддатга қолдирилди. Шу билан бирга турнирнинг чорак финалига қуръа ташлаш маросими ҳам кечикади.
Европа Лигасида 12 март куни ўтказилиши керак бўлган плей-офф босқичи доирасидаги «Севилья» — «Рома» ва «Интер» — «Хетафе» — номаълум муддатга қолдирилганди. Бугун бу турнирда ҳам кейинги ҳафтага белгиланган ўйинлар қолдирилди.
Аввалроқ Нидерландия, Греция, Грузия, Дания, Португалия, Хорватия, Чехия, Швейцария, Япония, Қозоғистон ва МЛС чемпионатлари, шунингдек Либертадорес Кубоги тўхтатилган, ЖЧ-2022 учун Осиё ва Жанубий Америкадаги саралаш босқичи ўйинлари — бу турнирларнинг барчаси камида март ойи охирига қадар ёки ёзгача қолдирилганди.
Польша чемпионатининг яқин ҳафталардаги ўйинлари томошабинлардан холи ҳолда ўтказилади.
Украина чемпионати — 3 апрелга қадар томошабинларсиз ўтади.
Хитой чемпионати — старт бекор қилинган.
Таҳдид остида
Фото: Gettyimages.ru/Paolo Bruno
Футбол бўйича Европа чемпионати: Қитъанинг 11 мамлакатидаги 12 шаҳарда 12 июндан 12 июлгача ўтказилиши керак эди.
УЕФА 17 март куни 55 ассоциация вакиллари билан видеоконференция орқали миллий турнирлар, Чемпионлар лигаси, Европа Лигаси ва Евро-2020 тақдирини муҳокама қилишади.
LʼEquipe нашри маълумотига кўра, 17 март кунги фавқулодда йиғилишда УЕФА Европа чемпионатини кейинги йилга қолдириш бўйича қарор қабул қилиниши кутилмоқда.
Ташкилотчилар биринчи марта турнирни кейинроққа қолдириш эҳтимолини тан олишди, аммо бошқа вариантлар ҳам бор.
Ҳоккей
Александр Овечкин ва НХЛ: танаффус. Фото USA Today Sports
Миллий ҳоккей лигаси — мавсум 12 март кунидан тўхтатилди. Бир кун аввал Миллий баскетбол лигасида шундай қарор қабул қилинганди.
Ҳоккей бўйича аёллар ва ўсмирлар ўртасидаги жаҳон чемпионатлари март — апрель ойларида Канада ва АҚШда ўтказилиши белгиланганди — бу турнирлар ҳам бекор қилинган.
Австрия, Германия, Италия, Испания, Польша, Словакия, Чехия, Швейцария Осиё ҳоккей лигалари — муддатидан аввал тугади.
Тўпли ҳоккей бўйича жаҳон чемпионати Иркутскда 29 март — 5 апрель кунлари ўтказилиши керак эди — турнир кузга қолдирилган.
Баскетбол
Руди Гобер. Фото USA Today Sports
Миллий баскетбол ассоциацияси — 11 март куни турнир тўхтатилиши ҳақида эълон қилди.
«Юта Жаз» жамоасининг франциялик аъзоси Руди Гобер — НБАда коронавирус аниқланган илк баскетболчи бўлди.
Rudy Gobert of the Utah Jazz thought the NBA precautions were a joke — so he touched everything in the room.
Топ-турнирлар орасида дастлаб Индиан-Уэллсдаги турнир бекор қилинганди, 12 март куни Майами ҳам қўшилди, баҳорнинг катта қисми WTA турнирларисиз ўтади.
Испаниянинг Марбелье шаҳрида (13 — 15 март) ва Франциянинг Тье шаҳрида (26 — 30 март) ўтказилиши керак бўлган бадиий гимнастикабўйича Гран-прилар — бекор қилинган, Италия Гран-Приси — июнь ойига кўчирилган.
Қатардаги спорт гимнастикасибўйича Гран-при — июнь ойига қолдирилган.
Сув спорти турлари бўйича Европа федерацияси ҳомийлигидаги барча мусобақалар — номаълум муддатга кўчирилган.
Хитойда сувга сакраш бўйича Жаҳон серияси босқичи ва синхрон сузиш бўйича Жаҳон серияси — бекор қилинган.
Сув полоси бўйича Олимпиада учун саралаш турнирлари — май ойига кўчирилган.
Сув полосибўйича жаҳон лигаси — сентябрь-октябрь ойларига кўчирилган.
Москвада 13 — 21 апрел кунлари ўтказилиши керак бўлган оғир атлетика бўйича Европа чемпионати — июль ойига қолдирилган.
Стол тенниси бўйича жамоавий жаҳон чемпионати Кореянинг Пусан шаҳрида (22 — 29 март) — кейинроқ, июнь ойида ўтказилади.
Регби-7 бўйича Ҳонгконгдаги Жаҳон серияси (3-5 апрель) ва Сингапурдаги шундай турнир (11-12 апрель) — октябрь ойига кўчирилган.
Замонавий бешкурашбўйича жаҳон чемпионати Хитойнинг Сямин шаҳрида эмас (25 — 31 май) — Мексиканинг Канкун шаҳрида ўтадиган бўлди.
Фигурали учиш бўйича жаҳон чемпионати Монреалда (18 — 22 март) ўтиши керак эди — турнир бекор қилинган, аммо турнир кейинроқ — 2020 йилнинг октябрида қайта ташкиллаштирилиши мумкин.
Биатлон бўйича Жаҳон кубогининг Норвегиядаги босқичи — муддатидан аввал якунланди, Ослодаги старт (20 — 22 март) — бекор қилинди.
Тоғ чанғиси пойгаси бўйича Американинг Миннеаполис шаҳрида (18 март) ва Канаданинг Кэнмор шаҳрида (20 — 22 март) ўтиши керак бўлган турнирлар — бекор қилинди, Канаданинг Квебек шаҳридаги турнир (14 — 15 март) — ўтиши сўроқ остида. Норвегия жамоаси Шимолий Америкадаги турнирга боришдан бош тортган.
Шорт-трек бўйича жаҳон чемпионати Сеул шаҳрида (13 — 15 март) ўтказилиши керак эди — турнир бекор қилинган.
Кёрлинг бўйича жаҳон чемпионати Канаданинг Принс-Жорже шаҳрида (14 — 22 март) ўтказилиши керак эди — турнир бекор қилинган.
Трамплиндан сакраш бўйича жаҳон чемпионати Словениянинг Планица шаҳрида ўтказилиши белгиланганди (19 — 22 март) — бекор қилинди.
Шу ҳафтада Норвегия ва Россияда трамплиндан сакраш бўйича Жаҳон кубоги босқичлари ҳам бекор қилинган.
Тоғ чанғиси бўйича жаҳон кубоги финали Италиянинг Кортине д'Ампеццо шаҳрида ўтказилиши керак эди (18 — 22 март) — бекор қилинган.
Томошабинларсиз/чекловлар билан
Ўзбекистоннинг ЖЧ-2022 саралаши доирасида Яман (31 март), Сингапур (4 июнь) ва Саудияга (9 июнь) қарши ўйинлари номаълум муддатга қолдирилиши мумкин.
КХЛ плей-оффи доирасида «Йокерит» жамоаси уй ўйинлари — томошабинларсиз ўтказилади, «Ак Барса» ва «Салават Юлаев» жамоаси ўйинлари билан ҳам шундай бўлиши мумкин.
Ҳоккей бўйича Чехия ва Швеция чемпионатлари томошабинларсиз ўтказилади.
Биатлон бўйича Жаҳон чемпионатининг Финляндиядаги босқичи — Контиолахтидаги турнир (12 — 15 март), ва Чехиядаги Нове-Место босқичи (5 — 8 март) — томошабинларсиз ўтказилади.
Бразилиядаги UFC турнири (14 март) ҳам — томошабинларсиз.
Екатеринбургдаги шахмат бўйича турнир (15 март — 5 апрель) — томошабинларсиз.
UFC 249 турнири доирасида Хабиб Нурмагомедов — Тони Фергюсон жанги 18 апрель куни АҚШнинг Нью-Йорк штати Бруклин шаҳрида ўтказилиши керак эди, ҳозирча бу жанг тақдири номаълум.
Ҳоккей бўйича жаҳон чемпионати 8 мартдан 24 майгача Швейцариянинг Лозанна ва Цюрих шаҳарларида ўтказилиши керак эди. Муз ҳоккейи бўйича халқаро федерация (IIHF) ҳукуматлар билан маслаҳатлашув якунларидан кейин 14 март куни қарор қабул қилади.
