Audi ва Volkswagen коронавирус сабабли ўз логотипини вақтинча ўзгартиришга қарор қилди

Audi ва Volkswagen автомобил брендлари коронавирус эпидемияси вақтида одамларни бир-биридан масофа сақлашга ундаш мақсадида ўз логотипларини ўзгартиришга қарор қилди.

Бу ҳақда Car and Driver нашри ёзди. Компаниялар ўзгартирилган логотиплари акс этган видеони ижтимоий тармоқлардаги саҳифаларида эълон қилган.

Audi’нинг янги логотипида одатдаги бир-бирига туташиб кетган 4 ҳалқа бир-биридан ажратиб тасвирланган. Компанияда энг муҳим нарса соғлиқ экани эслатиб ўтилган.

Volkswagen эмблемасида ҳам V ва W ҳарфлари орасида масофа пайдо бўлган.

Компаниялар шундай антиқа йўл билан коронавирус эпидемияси вақтида ўзаро масофа сақлаш лозимлигини яна бир бор эслатиб қўйишга қарор қилган.

Айни вақтда вируснинг тарқалиши олдини олиш учун одамлар 1,5-2 метр масофа сақлашлари кераклиги таъкидлаб келинмоқда.

Тайёрлаган Шуҳрат Раҳимов

#Audi #Volkswagen #коронавирус

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.