Пойтахтнинг барча маҳаллаларида қулупнай савдосини ташкил қилишга рухсат берилди

Қулупнай олиб кирувчилар ва уларнинг транспорт воситаларига шароит яратилади

Тошкент шаҳрининг барча маҳаллаларида қулупнай савдосини ташкил қилишга рухсат берилади. Бу ҳақда пойтахт ҳокимлиги хабарида айтилган.

“Баҳорги неъматлар етилмоқда. Ҳозир айни қулупнай мавсуми бошланди. Шу муносабат билан Тошкент шаҳрининг барча маҳаллаларида қулупнай савдосини ташкил қилишга рухсат берилади”, - дейилган маълумотда.

Билдирилишича, пойтахтга қулупнай олиб кирувчилар ва уларнинг транспорт воситаларига шароит яратилади.

Бундан олдин, Тошкентда «химчистка»лар фаолиятини қайта йўлга қўйишга рухсат берилгани хабар қилинганди.