Бунёдкорлик ва ижодкорлик келажак асоси
Ватанимизда бунёдкорлик авжида. Қаёққа қараманг, бирор турдаги баланд бино қад кўтараётганини кўрамиз. Бугунги замонавий биноларнинг мустаҳкамлиги эса ўз-ўзидан унда ишлатилаётган қурилиш материалларининг сифатига тўғридан тўғри боғлиқ.
Сизга қурилиш учун пўлат симлар (катанка), арматура ўрамлари ва бошқа турдаги металл маҳсулотлар керакми? У ҳолда, "Ўзметкомбинат" акциядорлик жамияти юртимиздаги барча қурилиш компанияларини айни соҳада ҳамкорликка чақиради.
Тадбиркорлик тараққиёт пойдевори
Бугун юртимизда тадбиркорликка кенг йўл очилган. Шахсан президентимизнинг ўзлари республикамизда тадбиркорликни ривожлантиришга алоҳида эътибор қаратмоқдалар. Умуман олганда, бозор иқтисодиёти қонунлари кишиларни боқимандалик кайфиятидан воз кечиб, фаол ҳаракат қилишга чорлайди. Шу мақсадда, "Ўзметкомбинат" АЖ юртимиз фуқароларини жамият билан ҳамкорликда тижорий ва бошқа турдаги тадбиркорликни ривожлантиришга чақиради.
Тадбиркорларга уч йўналишда ажойиб таклифлар
Биринчи йўналиш: "Ўзметкомбинат" АЖ тадбиркорларимизга пўлат симлар (катанка), арматура ўрамлари, ферросилиций ва турли шакл ва ўлчамдаги бошқа металл маҳсулотларни етказиб беради. Улар ушбу маҳсулотларнинг республикамиз бўйлаб сотувларини ташкил этишлари мумкин.
Иккинчи йўналиш: Тадбиркорларимиз металлолом тўплаш ва "Ўзметкомбинат" АЖ га топшириш орқали ҳам даромадга эга бўлишлари мумкин. Ушбу бизнес сизга катта манфаат келтиришига ишонамиз. Металлолом тўплаб ҳам даромад олинг, ҳам табиатни чиқиндилардан тозалашга ёрдамлашинг!
Учинчи йўналиш: Агар сиз бетон ва қурилиш эритмалари ишлаб чиқариш соҳасида фаолият юритаётган бўлсангиз, «Ўзметкомбинат» акционерлик жамияти сизга бетон ва қурилиш эритмалари ишлаб чиқаришда фойдаланиш учун фаол кимёвий минерал ҳисобланган Конденсатланган Микрокремнезем (МК-85 - кулранг ултрафин аморф силика кукуни) маҳсулотини ҳам таклиф этади.
