2018 йил декабрь ойида IWF Лондон-2012 олимпиадасининг оғир атлетика мусобақасида иштирок этган спортчиларнинг допинг таҳлилларини қайта текширишдан ўтказган эди. (Антидопинг қоидаларига кўра, бундай текширувлар мусобақа якунланганидан кейин 12 йил давомида ўтказилиши мумкин).
Қайта текширув натижасида -105 кг вазнда иштирок этган Руслан Нуриддинов, украиналик Алексей Торохтий, -56 кг вазнда бронза медалини қўлга киритган озарбойжонлик Валентин Христов, -85 кг вазнда 8-ўринни эгаллаган беларуслик Николай Новиковнинг допинг таҳлиллари мусбат натижа берган эди.
Шундан сўнг, IWF ушбу спортчиларни муайян муддатга спорт мусобақаларидан четлатганди.
2019 йил май ойида Спорт арбитраж суди (CAS) Руслан Нуриддинов ва Николай Новиковни антидопинг қоидаларини бузганликда айбдор деб топганди. Хусусан, суд ўзбекистонлик спортчининг таҳлилида тақиқланган модда – дегидрохлорометил-тестостерон (анаболик-андроген стероид) аниқланганини тасдиқлаган. Натижада, спортчиларнинг олимпиада ютуқлари, тўплаган баллари, медаллари ва мукофотлари бекор қилинди. Уларнинг допинг иши кейинги жазо чораларини қўллаш учун IWFга берилди.
2020 йил апрель ойида IWF антидопинг қоидаларини бузган спортчиларга нисбатан жазо чораларини эълон қилди. Хусусан, 28 ёшли Нуриддинов 2 йилга барча мусобақалардан четлатилди. Унинг дисквалификация муддати 2018 йил 18 декабрь кунидан бошланиши ва 2020 йил 17 декабрь кунигача амал қилиши белгилаб қўйилди.
Нуриддинов Лондон олимпиадасида -105 кг вазнда тўртинчи ўринни эгаллаган.
2016 йилги Рио-де-Жанейро олимпиадасида эса у олтин медални қўлга киритган ва даст кўтаришда (237 кг) олимпиада рекордини ўрнатганди. Қайд қилиш жоизки, IWF томонидан эълон қилинган жазо чораларининг Нуриддиновнинг бу ютуқларига дахли йўқ ва у Рио-2016 олимпиадасидаги медалини сақлаб қолади.
Эслатиб ўтамиз, олимпия чемпиони ва рекордчиси 2019 йил сентябрида Kun.uz`га берган интервьюсида
