Фарғона вилояти маркази ҳамда туманлараро ўрнатилган ички карантин постлари фаолияти тўхтатилди

Коронавирус инфекцияси тарқалишини олдини олиш мақсадида Тошкент ва Нукус шаҳарлари ҳамда вилоятлар марказларида транспорт воситалари ҳаракати чекланган эди.

Фарғона вилояти ИИБ ахборот хизмати хабарига кўра, республикада карантин тартиби юмшатилиши муносабати билан 4 май санасидан бошлаб Фарғона вилояти маркази ҳамда туманлараро ўрнатилган ички карантин постлари фаолияти тўхтатилди.

Фуқаролардан карантин постлари фаолияти тўхтатилган бўлса-да, карантин қоидаларига қатъий амал қилиш сўралган.