АҚШ президенти Дональд Трамп онлайн шаклдаги дебатда иштирок этмаслигини маълум қилди.
Фото: AP
"Мен бунда қатнашмайман ва вақтимни сарфламоқчи эмасман", - деди Трамп Fox Business телеканалига берган интервьюсида.
Аввалроқ Associated Press агентлиги 15 октябрь куни Трамп ва Жо Байден ўртасидаги иккинчи сайловолди дебати виртуал шаклда ўтказилиши ҳақида хабар берганди.
Қайд этилишича, Трампда коронавирус аниқлангани сабабли президент дебатлари бўйича комиссия ана шундай қарорга келган.
Трамп 2 октябрда ўзи ва рафиқасида коронавирус аниқланганини маълум қилганди. У уч кунни шифохонада ўтказгач, Оқ уйга қайтди.
7 октябрда Трампнинг шифокори президент ўзини яхши ҳис қилаётгани, унинг қонида коронавирусга қарши антитаналар топилганини маълум қилди.
