Фармацевтика агентлиги антикоррупция ҳафталиги доирасида очиқ эшиклар кунига таклиф этади

«9 декабрь – Халқаро коррупцияга қарши курашиш куни» муносабати билан юртимизда илк марта кенг кўламли «Антикоррупция ҳафталиги» ўтказилмоқда.

Ҳафталик доирасида Фармацевтика тармоғини ривожлантириш агентлигида 2020 йил 3 декабрда соат 10:00 дан 16:00 гача «Очиқ эшиклар куни» ўтказилади.

Тадбир Агентлик фаолиятининг очиқлиги, жамоатчилик ва фуқаролар олдида ҳисобдорлигини таъминлаш, улар фаолиятида коррупцияга қарши курашиш масалалари бўйича амалга оширилган ишлар ҳолатини ўрганиш мақсадида ташкил этилади.

Журналистлар, блогерлар ва кенг жамоатчилик вакиллари мазкур йўналишда амалга оширилаётган ишлар хусусида ўзларини қизиқтирган саволларга жавоб олишлари мумкин.

Коррупцияни биргаликда енгамиз!