Агентлик ўзбекистонликларни сўнгги кунларда Россиянинг турли ҳудудларида давлат расман рухсат бермаган оммавий намойишларда иштирок этмасликка, Россия қонунларига риоя этишга ва одамлар кўп тўпланаётган жойларга бормасликка чақирган.
«Бу каби расман рухсат берилмаган тадбирларда қатнашиш чет эл фуқаролари учун Россия қонунларига мувофиқ жиноий жавобгарликка тортилиш ёки давлатдан мажбурий чиқариб юборишга олиб келиши мумкин», дейилади агентлик хабарида.
Эслатиб ўтамиз, россиялик мухолифатчи Алексей Навальний 17 январ куни Германиядан қайтгач қамоққа олингач, унинг тарафдорлари ҳар ҳафтанинг якшанба кунлари норозилик намойишлари ўтказишмоқда. 31 январ куни ҳам Россиянинг турли шаҳарларида, хусусан, Москвада, Санкт-Петербург, Красноярск, Нижний Новгород, Тверь ва бошқа шаҳарларда Навальнийни қўллаб-қувватлаб ўтказилган акцияларда 5 мингдан ортиқ киши қўлга олинди.
